''વાસંતી''_____ડો હિતેષ એ. મોઢા

મદ મસ્ત થઈ વાયો, પોલો પવન વાસંતી
ફુલ ફુલ પર ઝાકળ ગાઈ છે કવન વાસંતી

શાને લખુ લાભ શુભ જેવા શબ્દો દ્રાર પર?  
જ્યાં આંગણ મ્હોરી ઉઠયુ લૈ સવન વાસંતી

ટહુકા શરણાઈ થઈ,  ફુટી માંજર ડાળે ડાળે
બની આંબાવડી હ્રદય કરે રે નર્તન વાસંતી 

તુજ પાલવ ખસ્યો કે ફેલાય ગયો ગરમાળો
ગોરી, સોનેરી છાંયા જેવા છે કલ્પન વાંસતી

ટેરવાંએ ઓઢયુ લીલું પાનેતર જાણે નવોઢા
તારો સ્પર્શ એટલે દુલ્હાનું આગમન વાસંતી

મારી તરસ છીપાય ને ગુલમહોર થઈ ગઈ!
તુજ રતુંબડા હોઠેથી છલકયુ ચુંબન વાસંતી

આસવના ઘડા ભરીને આવ્યો ઉત્સવ 'હિતુ' 
આજે જામને બદલે લેજો આચમન વાસંતી 

ડો હિતેષ એ. મોઢા
25/01/2015

દર વર્ષની માફક એક વાસંતી રચના....


''__________'' ને સાર્પણ