'વિના''_____ડો હિતેષ એ. મોઢા

પડે ન ક'દી પડઘો કદી સાદ વિના 
થાય ન ધરા ભીની વરસાદ વિના

શબ્દો હોવા છતાં, અરથો ન મળ્યા 
મૌન રહેવું પડયુ કશા સંવાદ વિના

લખતો આવ્યો છું,ને લખતો રહીશ
કવિતા રચાય છે કાયમ દાદ વિના

ચાંદ સિવાય બીજુ કોઈ કારણ હશે! 
કારણ, પોયણુ ન સુકાય ચાંદ વિના

ખટકો કે હોય ચટકો, જીરવાતું નથી
આ જાતને ચાલે છે ફરીયાદ વિના?

મિનારા પર ચડીને કહુ,I love you
ભલા ઈશ્ક હોય ક'દી ઉન્માદ વિના 

ફળની આશા રાખવી વાજબી નથી
બતાવો ક્યાં ઉગે છે ઝાડ પાંદ વિના 

હિતુ ફુલ જેવા જીવનને ચુકયો વરી
જેને ઝાકળ ચુમે કશા વિવાદ વિના


ડો હિતેષ એ. મોઢા
17/01/2015