''વાદળ''----ડો હિતેષ એ. મોઢા

ફાટયુ જ્યાં આખું વાદળ પ્રિયે 
આભે વધેર્યુ જાણે શ્રીફળ પ્રિયે

શબ્દ વિણ નાદ વરસી રહ્યો છે
હવે લખુ ઉર કેરો કાગળ પ્રિયે? 

એક રસ થઈ રહી ધીખતી ધરા
તો શું તળેટી અને શું તળ પ્રિયે

પાનેતર કેરો ગાશે મહિમા હવે 
મુજ અંગ અંગ ફૂટી કુંપળ પ્રિયે

ઝટકાવ ન કેશ કુંતલ ઓ ગોરી
વાયરો થયો બહુ શીતળ પ્રિયે 

હિલ્લોળે ચડયુ, તન-મન આજ
નાભીએ ઘુંટાય છે વમળ પ્રિયે 

હિતુ બેઠો શોધવા નવી ઉપમા 
તુજથી ભીંજે વરસતુ જળ પ્રિયે 


ડો હિતેષ એ. મોઢા