પછીની વાત છે.' --- ડો. હિતેષ એ. મોઢા

સાંભળો દિવસ આખો બળ્યા પછીની વાત છે.
અમાષે, એક સુરજ ઢળ્યા પછીની વાત છે.

આ ગામમાં યાદોનું ઘર શોધવુ અશક્ય છે,
અતંરમાં થોડી જગા આપ્યા પછીની વાત છે.

થઈ ગયા ટૂકડા હજાર ઝીલ્યા બીંબ ના,
દિવાલોમાં આયના જડ્યા પછીની વાત છે.

તરફ્ડ્યા કરે છે, બેઉ પાંખો ઉડ્ડયન ખાતર,
ગોફણથી એક પથ્થર છૂટ્યા પછીની વાત છે.

શાને જામી છે ભીડ ચકચૂર મયખાનાએ,
ઘા કૈક સોંસરવા લાગ્યા પછીની વાત છે.

ના પૂછ ગઝલ કેમ લખાય જાય છે "હિતુ",
કાફિયા બે-ચાર યાદ આવ્યા પછીની વાત છે.

મારી આ ગઝલ ડીસેમ્બર-૧૯૯૬ માં "બર્ડાઈ-જ્યોત" માં
પ્રકાશિત થઇ છે.